Hurmatli vatandoshlar! 

Аdliya vazirligi tomonidan Notariat sohasida xorijdagi vatandoshlarni qullab-quvvatlash, qulay sharoit va yengilliklar yaratish maqsadida bir qancha notarial harakatlar onlayn koʼrinishga oʼtkazildi. Ushbu hujjatlarni yashash va o’qish joyingizdan notarial idoraga yoki elchixonaga bormasdan onlayn rejimda amalga oshirishingiz mumkin. 

https://www.e-notarius.uz/

*************

Farzandni chet elga olib chiqmoqchimisiz?

Endilikda Farzandingizni chet elga olib chiqish uchun Notarial tasdiqlangan rozilik berishni notarial idoraga bormasdan dunyoning istalgan joyidan rasmiylashtirishingiz mumkin!

- Rozilik beruvchi E-notarius.uz axborot portalida “Voyaga yetmagan farzandini chet elga olib chiqish uchun rozilik” berishni tanlaydi, oʼzining shaxsiga oid maʼlumotlarni kiritadi va notarial harakatni yaratadi.

- Rozilik beruvchi qaysi farzandini chet elga olib chiqish uchun farzandlar roʼyxatidan tanlaydi;

- shundan soʼng hamrohlik qiluvchi shaxsning shaxsga oid maʼlumotlarini kiritadi;

- avtomatik tarzda yoki ixtiyoriy notarius tanlanadi;

- notarius notarial harakatni rasmiylashtirishga qabul qilib, vaqtni belgilaydi va taraflarning mobil telefoniga SMS xabarnoma yuboriladi;

- belgilangan vaqtda notarius taraflar ishtirokida videokonferentsaloqa orqali notarial harakatni rasmiylashtiradi;

 Siz ushbu notarial harakatni uyingizdan yoki ish joyingizdan chiqmagan holda kompyuter yoki mobil telefon orqali 15 minutda rasmiylashtirishingiz mumkin.

Jarayon bosqichini videodalavhada ko’ring:

https://youtu.be/qXUfKDVZC9s

**********

Avtomototransport vositasini notarial idoraga bormasdan sotish

- Endi avtomototransport vositasini notarial idoraga bormasdan sotish mumkin!

- sotuvchi e-notarius.uz axborot portalida “Notarial harakatni rasmiylashtirish”ni tanlaydi, oʼzining shaxsiga oid maʼlumotlarni kiritadi va notarial harakatni yaratadi.

- sotuvchi sotilayotgan avtomototransport vositasini tanlaydi va narxini kiritadi;

- sotuvchi sotib oluvchining JShShIRni, shaxsini tasdiqlovchi hujjat seriyasi va raqamini va telefon raqamini kiritadi;

- sotib oluvchining telefoniga SMS xabarnoma yuboriladi. Sotib oluvchi havolaga kirib Face-Id orqali verifikatsiyadan oʼtadi va roziligini tasdiqlaydi;

- avtomatik tarzda yoki ixtiyoriy notarius tanlanadi;

- notarius notarial harakatni rasmiylashtirishga qabul qilib, vaqtni belgilaydi va taraflarning mobil telefoniga SMS xabarnoma yuboriladi;

- belgilangan vaqtda notarius taraflar ishtirokida videokonferensaloqa orqali notarial harakatni rasmiylashtiradi;

- bitimning asl nusxalari taraflarga kuryerlik (pochta) xizmati orqali yuboriladi.

Jarayon bosqichini videodalavhada ko’ring

https://youtu.be/sr8aFDPHkiA

**********

Avtomototransport vositasini sotishda turmush oʼrtogʼi roziligini rasmiylashtirish

Endi avtomototransport vositasini sotish jarayonida turmush oʼrtogʼingizni roziligi arizasini notarial idoraga bormasdan dunyoni istalgan joyidan rasmiylashtirishingiz mumkin!

- Rozilik beruvchi E-notarius.uz axborot portalida “Er-xotin umumiy tasaruffidagi mol-mulkni tasarruf etishga rozilik”ni tanlaydi, oʼzining shaxsiga oid maʼlumotlarni kiritadi va notarial harakatni yaratadi.

- Rozilik beruvchi qaysi Аvtomototransportni sotishga rozilik berayotganini kiritadi;

- avtomatik tarzda yoki ixtiyoriy notarius tanlanadi;

- notarius notarial harakatni rasmiylashtirishga qabul qilib, vaqtni belgilaydi va taraflarning mobil telefoniga hamda shaxsiy kabinetiga xabarnoma yuboriladi;

- belgilangan vaqtda notarius taraflar ishtirokida videokonferentsaloqa orqali notarial harakatni rasmiylashtiradi;

Siz ushbu notarial harakatni uyingizdan yoki ish joyingizdan chiqmagan holda kompyuter yoki mobil telefoningiz orqali 15 minutda rasmiylashtirishingiz mumkin.

Jarayon bosqichini videodalavhada ko’ring

 https://youtu.be/J39pEgac7As