O‘zbekiston – ayol qadri ulug‘langan yurt
Tarixdan ma’lumki, turli davrlarda xotin-qizlarga munosabat hukmron siyosat ta’sirida o‘zgarib turgan. Lekin o‘zbek ayollari har qanday vaziyatda ham o‘zligini unutmagan. Nafaqat mamlakat, balki butun dunyo taraqqiyotiga ulkan hissa qo‘shgan ne-ne allomalarni, buyuk shaxslarni tarbiyalab voyaga yetkazgan. Ibn Sinoning onasi Sitorabonu, Imom Buxoriyning onasi Fotimabegim, Xoja Bahouddin Naqshband onasi Bibi Orifabegim kabi fozila momolarimiz mana shunday o‘zbek ayollarining yorqin timsoli sifatida tarixda qolgan.